घोराही, २१ बैशाख । राप्ती इञ्जिनियरिङ कलेज घोराही दाङको विई सिभिल र विसिएका कार्यक्रममा अध्ययन पुरा गरी पास भएका विद्यार्थीहरुको लागि आयोजित दिक्षान्त कार्यक्रम सम्पन्न भएको छ । कलेको आयोजनामा हिजो मंगलबार सो कार्यक्रम सम्पन्न भएको हो ।
राप्ती इञ्जिनियरिङ कलेज व्यवस्थापन समिति अध्यक्ष एवं प्रबन्ध निर्देशक डा.भीमसेन गिरीको सभापति तथा पोखरा विश्वविद्यालय, परीक्षा नियन्त्रण्ङ कार्यालयका परीक्षा नियन्त्रक डा. तुल्सीराम भण्डारीको प्रमुख आतिथ्यतामा कार्यक्रम भएको थियो ।
प्रमुख अथिति भण्डारीले राप्ती इञ्जिनियरिङ कलेजले स्थानीय स्तरमा इञ्जिनियरिङ तथा आईटी शिक्षामा नेपालमै अब्बल रहेको र समाज रुपान्तरणको लागि महत्वपुर्ण भुमिका खेलेको बताउनु भयो । साथै उहांले राप्ती इञ्जिनियरिङ कलेजबाट दिक्षित हुने सम्पुर्ण विद्यार्थीहरुलाई आफूले प्राप्त गरेको शिक्षालाई सहि प्रयोग गरेर कलेज, विश्वविद्यालयको गरिमा बचाई राख्न सुझाव दिनुभएको थियो ।
कलेजका डाईरेक्टर मधुसुदन बैद्यको स्वागत मन्तव्यबाट सुरुभएको कार्यक्रममा कलेजका प्रिन्सिपल रेशम गिरी, एकेडेमिक कोर्डिनेटर बाबुराम जोशी, दिक्षित विद्यार्थीहरुको तर्फबाट अभिशेक कुमार रौनियार लगायतले बोल्नुभएको थियो । कार्यक्रमको सहजीकरण्ङ विसिए विभागका विभागिय प्रमुख विश्वबन्धु थापाले गर्नुभएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
