हिमाल महरा
दाङ , १० वैशाख । दाङको बंगलाचुली गाउँपालिकामा ७ जना जनप्रतिनिधिले राजीनामा दिएका छन् । गाउँपलिकाका प्रमुख प्रशासकीय बिष्णु प्रसाद पाण्डेयका अनुसार शुक्रबार ५ जना वडाध्यक्ष र २ जना वडा सदस्यहरुले पदबाट राजिनामा दिएका हुन् ।
बंगलाचुली वडा न. २ का अध्यक्ष मेघराज राना,वडा नं. ३ का अध्यक्ष शोभाराज बिस्वकर्मा,वडा नं. ५ का अध्यक्ष एनुराज खत्री,वडा नं. ६ का अध्यक्ष बेदुलाल घर्ती, वडा नं. ७ का अध्यक्ष गिर बहादुर थापाले राजीनामा दिएका हुन् ।
त्यस्तै वडा सदस्यहरुमा वडा नं. २ का भिम बहादुर बुढामागर र वडा नं ६ का शुसिला ल्वहारले पदबाट राजिनामा दिएका हुन् ।
निर्वाचन आयोगले जनप्रतिनिधि पुनः चुनाव लड्न चाहेमा पदबाट राजिनामा दिनुपर्ने बाध्यकारी व्यवस्था गरेकाले सोही अनुसार उनीहरुले राजीनामा दिएका हुन् ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
