श्रवण कुमार यादव
राजपुर, ८- बैशाख। राजपुर गाउँपालिका गाउँ कार्यपालिकाको कार्यलय गंगदी देउखुरी, दाङ लुम्बिनी प्रदेश, नेपालको आयोजनामा सञ्चालन भएको एक महिने लोकसेवा आयोग तयारी कक्षाको आज समापन गरिएको छ । चैत्र ०७ गतेबाट शुरु भएको ३० दिने लोकसेवा आयोग तयारी कक्षा आज समापन भएको हो ।
राजपुर गाउँपालिका स्थित विभिन्न कार्यालयका कार्यरत कर्मचारीहरुबाट कक्षा सञ्चालन गरिएको थियो । लोकसेवा तयारी कक्षामा गाउँपालिकाका सात वटै वडाबाट महिला र पुरुष गरि ३१ जना यूवा बिद्यार्थी भाइबहिनीहरुको सहभागिता रहको थियो। उक्त कार्यक्रम +२ सकाएका बिद्यार्थीहरुलाई लक्षित गरेर आयोजना गरेको राजपुर गाउँपालिकाका सूचना प्रविधि अधिकृत शरद रेग्मीले बताउनुभएको हो।
तालिम समापन कार्यक्रममा मन्तव्य राख्दै राजपुर गाउँपालिका योजना शाखाका प्रमुख सनम धितालले सबैलाई लगनशील भएर पढ्न हुन सल्लाहका साथै भोलिका दिनमा सबै सँगै काम गर्ने वातावरण होस् भनिआशालिँदै उज्ज्वल भविष्यको कामना गर्नुभएको थियो।
यसै गरि तालिम समापन कार्यक्रममा मन्तव्य राख्दै प्रमुख अतिथि तथा गाउँपालिका उप-प्रमुख धनपति यादवले याे एउटा दाङकै विकट क्षेत्र भएकोले यहाँ पढाई विशेष सेवा सुविधा नभएकोले यसलाई मध्यनजर गरेर हामीले यस्ताे कार्यक्रमकाे आयोजना गरेको र त्यसतर्फ अग्रसर बन्नुपर्ने उल्लेख गर्नुभएको थियो। आगामी दिनमा यस्तै कार्यक्रमको आयोजना गर्न प्रतिबद्धता समेत जनाउनुभएको हो।
उक्त कार्यक्रममा राजपुर गाउँपालिकाका उप-प्रमुख धनपति यादव ज्युको अध्यक्षता तथा प्रमुख अतिथ्यतामा भएको उद्घाटन कार्यक्रमको सहजीकरण भने राजपुर गाउँपालिकाका सूचना प्रविधि अधिकृत शरद रेग्मीले गर्नुभएको हो।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
