जगत खनाल
दाङ, १७ चैत । नेपाल कम्युनिस्ट पार्टी एमाले राप्ती गाउँपालिका कमिटिको आयोजनामा बुधबार प्रशिक्षण कार्यक्रम सम्पन्न भएको छ ।
एमाले राप्ती गाउँपालिका कमिटी अध्यक्ष मदन अधिकारीको अध्यक्षता तथा केन्द्रिय सदस्य गङा थारुको प्रमुख आतिथ्यतामा कार्यक्रम सम्पन्न भएको थियो ।
प्रमुख आतिथिको आसन बाट बोल्दै नेतृ थारुले आउदै गरेको स्थानीय तहको निर्वाचनमा एमालेले बिजय हासिल गर्ने बताउनु भएको थियो ! सो कार्यक्रममा बोल्दै नेकपा एमालेका केन्द्रिय लेखा आयोगका सदस्य तथा लुम्बिनी प्रदेश सभा सदस्य रेवतिरमण शर्माले एमालेप्रती देशब्यापी आकर्षक बढेको बताउदै विपक्षीहरु एमाले संग एक्लाएक्लै प्रतिस्पर्धा गर्न डराएको दाबी गर्नु भएको थियो ।
कार्यक्रमलाई नेकपा एमाले लुम्बिनी प्रदेश कमिटी सदस्य गङाराम भट्टराई , एमाले नेता जगत प्रसाद पोख्रेल , जिल्ला सचीव मनोहर बुढाथोकी ले सम्बोधन गर्नु भएको थियो ।
कमलापती चौधरीको स्वागत मन्तव्य बाट सुरु भएको कार्यक्रमको संचालन भरतमणी न्यौपाने ले गर्नु भएको थियो भने कार्यक्रममा २८ जना भन्दाबढी विभिन्न पार्टी परित्याग गरि एमालेमा प्रवेश गरेका थिए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
