जगत खनाल
भालुबाङ । राप्ती गाउँपालिका कृषि बिकास शाखाले विभिन्न कृषि सहकारी मार्फत अगुवा कृषकलाई रासायनिक मल सम्बन्धी जनचेतनामूलक तालिम संचालन गरेक छ ।
रासायनिक मल कसरी बराबर मात्रामा प्रयोग गरि उत्पादनलाई वृद्धि गर्ने भन्ने उदेश्यका साथ तालिम संचालन गरेको कृषि बिकास शाखा कि निमित्त प्रमुख सिमा भट्टले जानकारी दिनु भएको छ ।
विभिन्न कृषि सहकारी मार्फत आठौं दिन सम्म विभिन्न स्थानमा संचालन गरेको रासायनिक मल सम्बन्धि एक दिने जनचेतनामूलक तालिममा २१० भन्दा बढी अगुवा कृषकको सहभागिता रहेको थियो ।
तालिमको प्रशिक्षकमा आर्थिक बिकास शाखा प्रमुख जिवराज पौडेल , कृषि सामाग्री कम्पनी लिमिटेडका निमित्त प्रमुख घनश्याम कवर , कृषि बिकास शाखा राप्ती गाउँपालिकाका वर्षाती गडरिया र निमित्त शाखा प्रमुख भट्ट रहनु भएको थियो ।
तालिमको क्रममा बराबर मात्रामा कसरी रासायनिक मल प्रयोग गर्ने , कुनै रासायनिक मलको कमिले कस्तो प्रकारको समस्या देखिन्छ लगायत कुरामा कृषकलाई जानकारी दिएको थियो ।
कुनैपनि बोटबाट राम्रो उत्पादन लिनको लागि १६ प्रकारका तत्व आवश्यकता पर्ने पनि उक्त तालिममा जानकारी दिएको थियो ।
माटो कसरी परिक्षण गर्ने , लहरे बालिलाइ कसरी 3 डि कटिङ गर्ने , विषादी कसरी प्रयोग गर्ने सुरक्षा कसरी अपनाउने , कस्तो प्रकार को विषादी कसरी प्रयोग गर्ने लगायतका बिषयमा तालिम दिएको निमित्त प्रमुख भट्टले जानकारी दिनु भएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
