रुकुम / नेपाल कम्युनिष्ट पार्टी माओवादी केन्द्रकाे सहायक संगठन याेङ्ग कम्युनिष्ट लिग (वाइसीयल) नेपाल मुसीकोट नगर रुकुम पश्चिमको अध्यक्षमा राजु विक चयन हुनु भएको छ । 
हिजो शनिबार सहिद प्रतिष्ठानको हलमा भएको प्रथम भेलाले विकको अध्यक्षतामा काेषाध्यक्ष सहित ६ सदस्य पछि मनाेनित गर्ने गरी ७५ सदस्यीय नगर समिति चयन गरेको हो । वाइसीएलको नगर उपाध्यक्षमा विष्णु रेउले, मिनकुमार खड्का र झकेन्द्र केसी सचिवमा लोकेन्द्र कठायत, सह सचिवमा प्रविन ओली, रमेश आग्री, डिल्ली सन्यासी, मनबहादुर गिरी, गणेश ओली, खिमबहाुर घर्ती र टोपिलाल केसी चयन भएका छन् । नगर समितिको कोषाध्यक्ष र ५ जना सदस्य भने पहिलाे बैठकले मनाेनित गर्ने वाइसीयल मुसीकाेटले जनाएकाे छ । अनुशासन आयोगमा टिकाराम विष्ट र लेखा आयोगमा संगम पुनलाई चयन गर्दै सम्मेलन सम्पन्न भएको छ । माओवादी केन्द्रका नेता राजकुमार शर्मा, वसन्तकुमार शर्मा, वाइसीएलका कर्णाली प्रदेश सहसंयोजक शैलेशकुमार शर्मा, माओवादी केन्द्रका जिल्ला संयोजक गोविन्द रोका लगायतको उपस्थितिमा प्रथम भेला भएको हो । नगर इन्चार्ज डम्मर थापाको अध्यक्षतामा भएको भेलाको सञ्चालन राजु विकले गर्नुभएको थियो । भेला सुरु हुनु पूर्व वाइसीएलको शेरिगाउँबाट सुरु भएको र्याली वडा नम्बर ७को सांख पुगेर पुनः सेरि गाउँ हुदै वडा नम्बर १ को सल्लेसम्म पुगेर पुनः शेरिगाउँमा फर्किएर कार्यक्रममा परिणत भएको थियोे । डेढ सय भन्दा बढी मोटरसाइकल र्यालीमा सहभागी बनेको वाइसीयलका मुसीकोट इन्चार्ज डम्बर थापाले जानकारी दिनुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
