दाङमा हुन लागेको दाङ क्रिकेट लिग क्रिकेट प्रतियोगिताको मुख्य प्रायोजकको रुपमा सगरमाथा सिमेन्ट जोडिएको छ ।
नेपाली क्रिकेटको विकासमा महत्वपूर्ण योगदान गर्दै आएको सगरमाथा सिमेन्टले पहिलो पटक आयोजना हुन लागेको दाङ क्रिकेट लिगलाई पनि मुख्य प्रायोजन गरेर समाजिक उत्तरदायित्व अभियान अन्तर्गतको काममा संलग्न भएको हो ।
सगरमाथा सिमेन्टको उद्योग नै दाङमा रहेकाले पनि यहाँको खेलकुदको विकासमा केही हदसम्म सहजता हुने देखेर मुख्य प्रायोजन गरेको कम्पनीले जनाएको छ । कम्पनीका तर्फबाट प्रतिक अधिकारी र दाङ क्रिकेट संघका अध्यक्ष प्रदीप मजगैंयाले सम्झौता पत्रमा हस्ताक्षर गरेका छन् ।
सम्झौता पहिलो वर्षका लागि भए पनि आगामी दिनमा पनि यसलाई निरन्तरता दिने सहमति भएको छ । सम्झौताको रकम भने खुलाइएको छैन् । दुई पक्षको सहमति अनुसार अहिलेलाई सम्झौता रकम नखुलाईएको अध्यक्ष मजगैंयाले जानकारी दिए ।
सम्झौता अनुसार प्रतियोगितामा सगरमाथा सिमेन्टको ब्रान्डिङ गर्नुपर्ने छ । चैत १२ गतेदेखि सुरुहुन लागेको दाङ क्रिकेट लिगको तयारी पनि तीब्र गतिमा अघि बढेको छ ।
अहिले पीच निर्माणको काम भइरहेको छ भने प्रतियोगितामा सहभागी हुने ५ टिमका मालिकको पनि फाइनल भइसकेको छ । टिम दाङकै राजनीतिक नेतृत्व तथा व्यवसायीहरुले लिएका छन् ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
