मनिराम खनाल
बाँच्न सिकौ नेपाली हामी आफ्नै स्वाभिमानमा
कुन देश बन्यो र समृद्ध मागी अनुदानमा ।
पचपन्न अर्ब अमेरिकाको होइन अनुदान
स्वाभिमानलाई बेचेर हाम्रो हुने छैन मान ।।
संघीय प्रणाली खर्चिलो छ ऋण काडेर चलाउछौ
उत्पादनमा लगाउने युवा सबै बिदेशमा पठाउछौ ।
अनुदान पनि जबर्जस्ती घिचाउने गर्छ
नियत राम्रो छैन उसको हामीले बुझ्नुपर्छ ।।
उद्योगहरु लिलाम भए नदिहरु बेचे
यो सासन र ब्यबस्था जनताले देखे ।
सन्धि सम्झौता हुँदै आए बिगत देखि आज
देशको हितमा कहिले भएन भन्न पनि लाज ।।
एमसीसीलाई ठिक छ भन्ने राष्ट्रघातीका खलक
हाम्रो देशमा बस्दै आछन गर्दिउ यिनलाई अलक ।
संसदमा हुँदै छ, रास्ट्रघातको खेल
नेपालका संसद हौ भने गर एमसीसीलाई फेल ।।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
