मुक्ति गैरे
पाल्पा, १९ माघ । कम्युनिस्ट पार्टीद्दारा अाज सिजि कम्पनीको २३ राेपनि जग्गा कब्जा गरेको छ ।
अाज रिब्दिकाेट गाउँ पालिका वडा नम्बर १ जैथुम देउलेफलाट रहेको सिजि कम्पनीको चुन उत्खनन जग्गा विवादित भएको भन्दै कब्जा गरेको हाेे ।
उक्त जग्गा स्थानीय प्रतिनिधि बाम बहादुर कुमालले सिजि कम्पनीले संचालन गरेको सिमेन्ट फ्याक्ट्रिलाई चुन उत्खनन गर्न ५ पुस्ता अगाडि देखि भाेेगचलन गर्दै अाएकाे धनु कुमालकाे जग्गा जालसाजी गरि बेचेको अाराेप समेत लगाएको छ ।
उक्त जग्गा पिडितका अनुसार कसरी हामीले भाेग चलन गरेको जग्गा सिजि कम्पनीमा गयो भन्ने कुरा थाहा नभएको बताएका छन्,अाँफुहरु पिडित समेत भएको बताए ।
उक्त जग्गाका बारेमा अदालत मामिला जाँदा सरकारले न्याय नदिएको गुनासो समेत गरेका छन् । उक्त कुरा सिजी कम्पनी र स्थानीय जनप्रतिनिधि संग छलफल गर्दा पनि अटेरी गरेपछि पीडितलाई न्याय दिन उक्त जग्गा कब्जा गरेको नेपाल कम्युनिस्ट पार्टीका केन्द्रीय सदस्य तथा पाल्पा जिल्ला ईन्चार्ज अपेक्षाले बताउनुभयो ।
उहाँले उक्त जग्गा पिडितले न्याय नपाउदा सम्म अाफ्नाे पार्टीकाे कब्जामा रहने बताउनुभयो साथै धनु कुमाल माथि भवितव्यं केही भएमा स्वयम् सिजि कम्पनी र उसकाे प्रतिनिधि बाम बहादुर कुमालले जिम्मेवारी लिनुपर्ने छ अन्यथा अाफ्नाे पार्टीले सशक्त प्रतिरोध गर्ने समेत बताउनुभयाे ।
नेपाल कम्युनिस्ट पार्टी जिल्ला समिति पाल्पाले जारी गरेको विज्ञप्ति “जनप्रिय पार्टी नेपाल कम्युनिस्ट पार्टीले २३ राेपनि जमिन कब्जामा लिएको छ ।
पाल्पा जिल्ला रिब्दिकाेट गाँपा वडा नम्बर १ जाेगिथुम बस्ने धनु कुमालका परिवारले ५ पुस्ता देखि भाेगचलन गर्दै अाएकाे जालसाजी गरी बाम बहादुर कुमाल मार्फत सिजि कम्पनीले अाफ्नाे नाममा खरदि गरेको छ । दलाल संसदीय व्यवस्थाले बनाएको गरीबमारा कानुनले पुँजी र पहुँचकाे अाधारमा सिजि कम्पनीको नाममा पास गरि दिएको छ ।
उक्त जमिन पिडितले न्याय नपाए सम्म नेपाल कम्युनिस्ट पार्टीको कब्जामा रहेको जानकारी गराउदछाैं । पिडित धनु कुमालकाे न्यायका लागि जनताका पक्षधर सबै शक्तिहरुलाई सहयोग समेत गर्न अनुरोध गर्दछौं ।”
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।