केही दिनअघि मृत भेटिएका दाङको घोराही उपमहानगरपालिका वडा नम्बर १८ नवलपुरका मनिराम चौधरीको परिवारलाई सुनौलो विहानी टोल विकास संस्थाले आर्थिक सहयोग गरेको छ ।
टोल विकास संस्थाको विपत राहतकोषबाट पाँच हजार रुपैयाँ सयोग गरिएको हो । टोल विकास संस्थाका अध्यक्ष सूर्यचन्द्र रानाले मृतकका आमा बुधमाली चौधरीलाई सहयोग हस्तान्तरण गर्नुभएको थियो । मजदूरी गरेर परिवार पाल्ने बिपन्न अवस्थाका चौधरीको आकस्मिक निधन भएपछि परिवारलाई केही राहत होस् भनेर सहयोग गरिएको जानकारी दिंदै अध्यक्ष रानाले अन्य कसैले सहयोग गर्न चाहेमा सहयोग गर्न सक्ने बताउनुभयो ।
टोल विकास संस्थाले गत साउनदेखि हरेक सदस्यबाट मासिक २० रुपैयाँ संकलन गरेर राहतकोषमा राख्दै आएको छ । चौधरी गत माघ १५ गते नवलपुर सडकमा मृत अवस्थामा भेटिनुभएको थियो । सो अवसरमा संस्थाका सचिव मधुसूदन भट्टराई, सदस्य पार्वता योगीलगायतले श्रद्धाञ्जली मन्तव्य पनि व्यक्त गर्नुभएको थियो ।
यसैबीच चौधरीको परिवारमा सहयोग होस् भनेर केही टोलबासीले पनि सहयोग गरेका छन् । उनीहरुले केही रकम संकलन गरेर दुई बोरा चालम, केही पीठो, आलु र तेल सहयोग गरेका छन् । स्थानीय २१ ज्नाले प्रतिव्यक्ति दुई सय सहयोग संकलन गरेर सो सहयोग गरेको टोल विकास संस्थाका अध्यक्ष रानाले जानकारी दिनुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।