जनकपुर, ४ माघ । मधेश प्रदेशमा लगातार दुई दिन सार्वजनिक बिदा दिइएको छ ।

सोमबार प्रदेश नं.२ को नाम मधेश र राजधानी जनकपुरधाम टुङ्गो लागेको खुसियालिमा आज सार्वजनिक बिदा दिएको प्रदेश सरकारले भोलि बुधबार पनि सार्वजनिक बिदा हो ।

प्रदेश सरकारले बुधबार मधेश बलिदानी दिवसको अवसरमा सार्वजनिक बिदा दिने यसअघिनै निर्णय गरिसकेको थियो । २०६३ साल माघ ५ गतेबाट शुरु भएको मधेश आन्दोलनको स्मरण गर्दै प्रदेश सरकारले यो दिन सार्वजनिक बिदा दिंदै आएको छ ।

सिस्ने अनलाइन

सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।