सल्यान, २८ पुस । सल्यानको सदरमुकाम खलंगामा तास खेल्दै गरेका ७ जनालाई प्रहरीले पक्राउ गरेको छ ।
खलंगाको पुरानो बसपार्क नजिकै एक घर बाट जुवा खेलिरहेका ७ जनालाई मंगलबार प्रहरीले नगद ४७ हजार सहित पक्राउ गरेको जिल्ला प्रहरी कार्यालय सल्यानले जनाएको छ ।
पक्राउ पर्नेहरुमा रुपक शाह, श्रीकान्त राइ, अन्जन राई, रविन कुमार श्रेष्ठ, खड्ग बहादुर राना, बम बहादुर खत्री र विश्व कुमार राई रहेको जिल्ला प्रहरी कार्यालय सल्यानका प्रमुख डिएसपी सुमित खड्काले बताए । पक्राउ परेका सबै शारदा नगरपालिका २ खलंगा निवासी हुन
जुवा खेलिरहेको भन्ने गोप्य सूचनाको आधारमा पुगेको प्रहरी टोलीले छापा मारेर नगत ४७ हजार रुपैयाँ सहित उनिहरुलाई पक्राउ गरेको डिएसपी खड्काले बताए ।
प्रहरीले उनिहरु सहित नगद र उनिहरुले प्रयोग गरेका सामानहरु नियन्त्रणमा लिएको जनाएको छ ।
पक्राउ परेकाविरुद्ध जुवा ऐन अन्तर्गत मुद्दा दायर गरेर कारबाहीको प्रक्रिया अगाडि बढाउने डिएसपी खड्काले बताए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
