रुकुम (पश्चिम)को मुसिकोट नगरपालिकामा स्वास्थ्य व्यबस्थापन सूचना प्रणाली (HMIS) तालिम शुरु भएको छ । स्वास्थ्यको लागि सक्षम प्रणालीको सहयोगमा नगरपालिका अन्तरगत स्वास्थ्य शाखाले स्वास्थ्यकर्मीहरुका लागि स्वास्थ्य व्यबस्थापन सूचना प्रणाली (HMIS) तालिम शुरु गरेको हो ।
नगरक्षेत्रमा रहेका स्वास्थ्य संस्थाहरुमा भएको स्वास्थ्य सम्बन्धीका सुचनाहरुको सहि तथ्याङ्क संकलन, व्यबस्थापन र रिर्पोटिङमा सहयोग होस् भन्ने हेतुले स्वास्थ्य व्यबस्थापन सूचना प्रणाली (HMIS) सम्बन्धी तालिम शुरु गरिएको हो । तालिम यहि असोज ३ गतेदेखि ५ गतेसम्म नगरपालिकाको सभाहल सेरीगाउँमा सञ्चालन हुनेछ ।
३ दिनसम्म सञ्चालन गरिने तालिमको सहजीकरण नगरपालिका अन्तरगत स्वास्थ्य शाखाका प्रमुख मानबहादुर खत्री, जनस्वास्थ्य निरिक्षक बेदाराम ओली, स्वास्थ्य सेवा कार्यालय रुकुम (पश्चिम)का जनस्वास्थ्य अधिकृत कालीबहादुर ओली र स्वास्थ्यको लागि सक्षम प्रणालीका प्राबिधिक अधिृकृत ऋषि न्यौपानेले गर्नुभएको छ ।
तालिममा यस अघि तालिम लिन छुटेका नगर क्षेत्र भित्रका सबै स्वास्थ्य चौकी र आधारभूत स्वास्थ्य सेवा केन्द्रका स्वास्थ्यकर्मीहरुको सहभागिता रहेको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।