मदन बिसी
रुकुमकोट,२२ पुस । रुकुम पूर्व सिस्ने गाउँपालिकामा शिक्षकहरुका लागि दुई दिने क्षमता विकास तालिम सञ्चालन भइरहेको छ । आधारभुत र माध्यामिक तह कक्षा ६ देखि १० सम्म अध्यापन गराउने अंगे्रजी विषयका शिक्षकहरुको क्षमता विकासका लागि तालिमको आयोजना गरिएको हो ।
सिस्ने गाउँपालिका शिक्षा युवा तथा खेलकुद शाखाको आयोजनामा गाउँपालिकाको सभा हल रुकुमकोटमा तालिम सञ्चालन भइरहेको छ । गाउँपालिकाभित्र रहेका अंग्रेजी विषयका शिक्षकहरुलाई थप दक्ष र सक्षम बनाउन तालिमको आयोजना गरिएको शिक्षा युवा तथा खेलकुद शाखा प्रमुख मंगलसिंह बुढाले बताउनुभयो । भाषिक रुपमै जटिल तर अनिवार्य अंगे्रजी विषयका अप्ठयारा विषयवस्तुलाई केन्द्रमा राखि तालिमको सहजिकरण भइरहेको बुढाले बताउनुभएको छ ।
अंगे्रजी विषय भित्र रहेका जटिल विषयवस्तुको समस्या समाधान गर्न क्षमता विकास तालिमले महत्वपुर्ण भुमिका खेल्ने छ । तालिमले पठन पाठनमा सहजता ल्याइ शैक्षिक गुणस्तर सुधारमा सहयोग पुर्याउने गाउँपालिकाले अपेक्षा गरेको छ ।
क्षमता विकास तालिमको गाउँपालिका अध्यक्ष कुमारी बरालले उद्धघाटन गर्नुभएको छ । तालिम उद्धघाटन कार्यक्रममा उपाध्यक्ष गोबर्धन बुढा, प्रमुख प्रशासकीय अधिकृत चिन्तामणि दाहाल लगायत गाउँपालिकाका अन्य कर्मचारीको उपस्थिति रहेको थियो ।
क्षमता विकास तालिमको ताहाचल क्याम्पस काठमाडौका प्रध्यापक मणिराम शर्माले प्रशक्षिण दिइरहनु भएको छ, भने सहजिकरण शिक्षा शाखा प्रमुख बुढाले गरिरहनु भएको छ । आजबाट सुरु भएको तालिम भोलिसम्म चल्ने छ । तालिममा गाउँपालिका भित्रका १६ सामुदायिक र २ संस्थागत गरि १८ वटा विद्यालयका विषयगत शिक्षकहरुको सहभागिता रहेको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
