रोल्पा, २ पुस । अखिल नेपाल महिला संघ (क्रान्तिकारी) माडी गाउँपालिका ३ को सम्मेलन तालाबाङमा सम्पन्न भएको छ ।
जेष्ठ महिला दर्शना पुन मगरको अध्यक्षता एवम् माओवादी केन्द्र लुम्बिनी प्रदेश सदस्य तथा अनेम संघ(क्रान्तिकारी) माडी गाउँपालिका अध्यक्ष धनिकला घर्ती बुढामगरको प्रमुख आतिथ्यतामा भएको कार्यक्रममा माओवादी केन्द्रमा आवद्ध माडी ३ का महिलाहरुको सहभागीता रहेको थियो । कार्यक्रममा नेकपा माओवादी केन्द्र माडीका कोषाध्यक्ष एवम् अनेम संघ (क्रान्तिकारी) माडीका इन्चार्ज जयपुरी घर्ती ‘जुनमाया’,प्रेस सेन्टर रोल्पाका जिल्ला कोषाध्यक्ष बुद्धिमान वलीलगाएतको आतिथ्यता रहेको थियो ।
सम्मेलनले मन कुमारी बाँठामगरको अध्यक्षतामा १५ सदस्यीय अनेम संघ (क्रान्तिकारी) ६ नम्बर वडा कमिटी गठन गरेको छ । जसको उपाध्यक्षमा सिर्जना परियार,सचिवमा जुनमाया घर्तीमगर,कोषाध्यक्षमा निर्मला बिक ,सह-सचिवमा गौमाया पुनमगर रहनुभएको छ ।
अनेम संघ (क्रान्तिकारी)का सदस्य सीता पुन मगरको स्वागत मन्तव्यबाट शुरु भएको कार्यक्रमको संचालन स्मृति बुढामगरले गर्नुभएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
