घोराही । भ्रमणमा आएको विद्यालयको बस दाङमा दुर्घटना भएको छ ।
नेपालगञ्जस्थित भेरी विद्यामन्दिर राँझाको भे १ ख २२२१ नम्बरको बस शनिबार साझ घोराही- लमही सडकखण्डको चौपट्टामा दुर्घटना भएको हो ।
धारापानी मन्दिरको दर्शन गरेर फर्किने क्रममा घोराही उपमहानगरपालिका–३ चौपट्टा ओरालोमा दुर्घटनामा परेको जिल्ला प्रहरी कार्यालय दाङले जनाएको छ।
ओरालोमा ब्रेक फेल भएपछि चालकले बचाउन भित्तामा बस टसाएको र सो क्रममा भएको दुर्घटनामा परी कम्तीमा १० जना विद्यार्थी घाइते भएको जिल्ला ट्राफिक प्रहरी कार्यालय दाङका प्रमुख थम्मन जिसीले जानकारी दिए।
विद्यार्थीलाई सामान्य चोटपटक लागेको र उपचारका लागि लमही अस्पताल पु¥याइएको हो । कक्षा ५ देखि १० सम्म अध्ययनरत विद्यार्थी भ्रमणका लागि दाङ आएको जनाइएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
