घोराही,२८ कात्तिक । नेपाल कम्युनिस्ट पार्टी दाङले पेट्रोलियम पदार्थमा गरिएको चरम मुल्यवृद्धिका विरुद्ध चरणबद्ध संघर्षका कार्यक्रमहरु निरन्तर गर्दै आइरहेको छ ।
सोही अनुसार पार्टीले केन्द्रीय कार्यक्रम अनुसार आइतबार दाङका मुख्य ठाउँका शहरहरुमा एक घण्टा चक्काजाम गरेको हो ।
एक घण्टे चक्का जामलाई सम्बोधन गर्दै अखिल (क्रान्तिकारी) केन्द्रीय सदस्य, टियुका इन्चार्ज तथा नेकपा दाङका सदस्य अनिक केसीले पेट्रोलियम पदार्थको मूल्यवृद्धि को विरुद्ध पार्टीको केन्द्रीय कार्यक्रमहरु अन्तर्गत आज देशब्यापी रुपमा बिहान १० बजेदेखि ११ बजेसम्म एक घण्टे चक्काजाम गरि बहिरो र अन्धो राज्यलाई खबरदारी गरेको बताए ।
आयल निगमले नयाँ वर्ष देखि यता १० पटकसम्म पेट्रोलियम पदार्थमा मूल्यवृद्धि गरेको उनले प्रष्ट पारे । देशमा सुखर शान्ति र समृद्धि ल्याउछौ भन्ने सरकार निदाएर बसेको र दैनिक उपभोग्य बस्तुमा मूल्यवृद्धि गरेर जनताको ढाड सकिरहेको समेत उनले भनाइ छ ।
जनताको आशा र अपेक्षालाई यो दलाल संसदीय ब्यबस्थाले सम्बोधन गर्न नसक्ने भएको हुँदा यसका विरुद्ध एक पटक सम्पूर्ण जनताहरु एक जुट भएर अगाडि बढ्नुपर्नेमा उनले जोड दिए । पार्टीले भ्रष्ट, दलाल संसदीय ब्यबस्थाको विकल्प मा वैज्ञानिक समाजबादी ब्यबस्था स्थापना गर्नुपर्ने मुख्य नारा लिएर सडकमा आएको पनि उनले बताए ।
बिहान १० बजेदेखि ११ बजेसम्म जिल्लाका मुख्य शहरहरु घोराही,लमही,तुलसीपुर,भालुबाङ,गढवा,राजपुर,दंगिशरको रगैचा,शान्तिनगर,बबई गाउपालिकाको हापुरे लगाएतका ठाउँहरुमा एक घण्टा चक्काजाम गरिएको नेकपाले जनाएको छ ।
पार्टीले मूल्यवृद्दिको बिरोधमा भोलि सीठ्ठी जुलुस र मसाल जुलुस गरिने समेत गर्ने भएको छ ।
कोणसभाको सहजीकरण युवा संगठन नेपाल घोराहीका अध्यक्ष पदम चन्दले गरेका थिए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
