नेपाल कम्युनिस्ट पार्टी (एकीकृत समाजबादी) जिल्ला कार्यालय दाङको बैठकले आगामी असोज १४ गते जिल्ला समितिको प्रथम पूर्ण बैठक बोलाएको छ ।
पार्टी जिल्ला कार्यालय समाजबादी चोक घोराहीमा जिल्ला अध्यक्ष शुरामणि बेलबासेको अध्यक्षतामा र पार्टीका स्थायी कमिटीका सदस्य एवं् लुम्विनी प्रदेशका इन्चार्ज भागवत विश्वाशीको प्रमुख आतिथ्यतामा बसेको बैठकल जिल्ला समितिको बैठक टी थ्री पार्टी प्यालेसमा गर्ने असोज १४ गते गर्ने निर्णय गरेको हो ।
प्रथम बैठकको तयारीका निम्ति जिल्ला कार्यालयले आबस्यक तयारी गर्ने निर्णय गरेको छ । आगामी असोज २२ गते घोराही तुल्सीपुर चोक र डीके पेट्रोल पम्पका वीचमा रहेको समाजबादी चोकस्थित नयां भवनमा पार्टी कार्यालयको उद्धघाटन गर्ने र त्यसको आवस्यक तयारी पनि जिल्ला कार्यालयले गर्ने निर्णय गरेको अध्यक्ष बेलबासेले जानकारी दिनुभयो । पार्टीको आगामी कार्ययोजना र पार्टी जिल्ला सदस्यहरुको कार्यविभाजन तयार गरि प्रथम वैठकमा प्रस्तुत गर्ने निर्णय गरिएको छ ।
आगामी आश्विन १४ गते हुने प्रथम बैठकमा सहभागिताका लागि २०७७ चैत २५ गते तुल्सीपुर दोघरेमा नेकपा (एमाले) जिल्ला कमिटी दाङको बिस्तार गरिएको र उक्त विस्तारित कमिटीलाई २०७८ भाद्र १७ गते घोराहीमा सम्पन्न बैठकबाट नेपाल कम्युनिस्ट पार्टी (एकीकृत समाजबादी) जिल्ला कमिटीमा रुपान्तरण गरिएको थियो ।
हालै सम्पन्न भएको पार्टी लुम्विनी प्रदेश कमिटीको बैठकबाट रुपान्तरित कमिटीलाई नेकपा (एकीकृत समाजबादी) दाङ जिल्ला कमिटीका रुपमा अनुमोदन गरेको छ । यस कमिटीमा रहनु भएका सबै सदस्यहरुलाई बैठकमा आमन्त्रण गरिएको उहाँले जानकारी दिनुभयो ।
‘बैठकले एकीकृत समाजबादी पार्टीलाई साथ दिन र आवस्यक सबै प्रकारका सहयोग गर्न पुरानो पार्टी–नेकपा (एमाले) मा रहनु भएका सम्पूर्ण नेता–कार्यकर्ता कमरेडहरु, पार्टी सदस्य कमरेडहरु, आदरणीय शुभचिन्तक एवम सम्पूर्ण जनसमुदायमा हार्दिक अपिल गरेको छ’– अध्यक्ष बेलबासेले भन्नुभयो ।
बैठकलाई प्रमुख अतिथि पार्टी प्रदेश इन्चार्ज भागवत विश्वाशी,केन्द्रीय कमिटीका सदस्य एवम दाङ ईन्चार्ज जोगबहादुर राना, केन्द्रीय सदस्य एवम दाङ जिल्ला सह ईन्चार्जहरु शारदा स्वर्णकार र अनारकली मियाले निर्देशन सम्बोधन गर्नु भएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
