रोल्पाको एक गाउँमा प्रहरीले बुहारीलाई जबर्जस्ती गरेको आरोपमा जेठाजु नाता पर्ने एक ५१ बर्षिय पुरुष सहित जम्मा ७ जनालाई पक्राउ गरी अनुसन्धान थालेको छ ।
पक्राउ पर्नेमा एकै गाँउका दुर्गे बिष्ट, नविन बिष्ट, पुष्त बिष्ट, पुस्ते खड्का र पिडितका ससुरा समेत छन् । अनुसन्धानको क्रममा सो घटना गाँउघरमै मिलाई मिलापत्र गराएको आरोपमा सोहि गाँउका वडा सदस्य हिमबहादुर बिष्ट सहित अन्य ६ जनालाई समेत प्रहरीले पक्राउ गरेको हो ।
श्रावन २ गते बिहान ३ बजेको समयमा घटना पश्चात पिडित महिलाले कराएपछि ससुराले थाहा पाएका थिए । पिडितको ससुराले भोलिपल्ट बिहान वडा सदस्य हिमबहादुर बिस्टलाई खबर गरी छलफल गरिदिन आग्रह गरेका थिए । वडा सदस्यले गाँउमा कटुवाललाई लगाएर मान्छे जम्मा गर्न लगाएका थिए ।
यस्तो थियो घटना
साउन ३ गते करिव १ बजेतिरबाट छलफल सुरु भयो । छलफलमा अभियुक्तले आफ्नो गल्ति स्वीकार गरे । छलफलमा जुटेकाले उनलाई रु. २०,०००।– (बीस हजार रुपैँया) जरिवाना तोके, जसमध्य रु.५,०००।– (पाँच हजार) पिडित महिलाको लागि र बाँकी रु. १५,०००।– (पन्ध्र हजार रुपैयाँ) गाँउको एक कुनै कोषको लागि छुट्याउने समेत निर्णय भयो ।
पिडितले पाउने रु.५,०००।– मध्य रु. १,०००।– (एक हजार) बराबर छलफलमा जुटेकाहरुले चिया पानी खाने भनेर छुट्याए भने रु.५००।– (पाँच सय) पिडितले ससुरालाई मान राख्नको निमित्त दिनुपर्ने बताए । पिडितले त्येसै गरीन् । पिडितले न्याय पाएको अनुभुति गरिनन् ।
उनले आफ्नो बाबालाई सबै घटनाको बारे बेलिबिस्तार लगाईन् । भोलीपल्ट श्रावन ४ गत्ते प्रहरी समक्ष यो घटनाको सुचना पुग्यो । पिडितको जाहेरीका आधारमा अभियुक्त भनेका पिडितको जेठाजु नाता पर्नेलाई तत्काल नियन्त्रणमा लिई प्रहरीले अनुसन्धान शुरु गरेको छ ।
अनुसन्धानको क्रममा हाल वडा सदस्य सहित जम्मा ७ जनालाई पक्राउ गरी ईलाका प्रहरी कार्यालय सुलिचौरको हिरासतमा राखि थप अनुसन्धान भईरहेको डिएसपी नरेशराज सुवेदीले जानकारी दिनुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
