उच्च अदालत जनकपुर राजविराज इजलाशका मुख्य न्यायाधीश एवं लेखक डिल्लीराज आचार्यको एघारौं पुस्तक ‘सम्झनाको आँखीझ्यालबाट’ सार्वजनिक गरिएको छ । शनिवार घोराहीमा कार्यक्रम गरी पुस्तक सार्वजनिक गरिएको हो । लेखक आचार्यले कुनै औपचारिक कार्यक्रमविना सहभागीलाई वितरण गरेर नयाँपनका साथ पुस्तक सार्वजनिक गर्नुभएको थियो ।
नेपाल पत्रकार महासंघ दाङका पूर्वअध्यक्ष एवं लेखक सुशील गौतमले पुस्तक समीक्षा गर्नुभएको थियो । कार्यक्रममा बरिष्ठ पत्रकार एवं साहित्यकार नारायणप्रसाद शर्मा, बरिष्ठ समालोचक डा. अमर गिरी, बरिष्ठ साहित्यकार गिरिराज शर्मा, नयाँ युगबोध दैनिकका सम्पादक लक्ष्मी आचार्यलगायतले शुभकामना दिनुभएको थियो ।
लेखक आचार्यले निवृत्त भएपछि नियमित स्तम्भ लेखनमा जोडिने प्रतिबद्धता व्यक्त गर्दै हरेक बर्ष एउटा पुस्तक प्रकाशन गर्ने वाचा पनि गर्नुभयो । सार्वजनिक गरिएको पुस्तकमा २५ वटा रचना रहेका छन् । लेखक आचार्यले सबै सहभागीलाई वितरण गरेर पुस्तक सार्वजनिक गर्नुभएको थियो ।
पुस्तक सार्वजनिक कार्यक्रममा सहभागी आफ्ना गुरुहरु नारायणप्रसाद शर्मा र गिरिराज शर्मालाई न्यायाधीश आचार्यले गुरु पूर्णिमाको अवसरमा सम्मान गर्नुभएको थियो भने गुरुहरुले पनि उहाँलाई जन्मदिनको शुभकामना दिनुभएको थियो । कार्यक्रम सञ्चालन दाङ उद्योग वाणिज्य संघका निवर्तमान अध्यक्ष नारायण भुसालले गर्नुभएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
