दाङ जिल्ला उद्योग वाणिज्य संघले राप्ती स्वास्थ्य विज्ञान प्रतिष्ठानको सल्लाहकार रहन अस्वीकार गरेको छ ।
संघका अध्यक्ष टंकसिंह बुढाथोकी र महासचिव महेन्द्र बुढाथोकीले विज्ञप्ति जारी यस्तो जानकारी दिनुभएको हो ।
१५ शैयाको महेन्द्र अस्पतालाई उपक्षेत्रीय अस्पताल बनाउनेदेखि राप्ती स्वास्थ्य विज्ञान प्रतिष्ठान स्थापनाका लागि नेतृत्वदायी भूमिका निर्वाह गरिरहेको स्मरण गराउँदै विज्ञप्तिमा उद्योग वाणिज्य संघकै नेतृत्वमा अहिले पनि प्रतिष्ठान सरोकार समिति क्रियाशील रहेको उल्लेख छ ।
उद्योग वाणिज्य संघको नेतृत्वमा राजनीतिक दल र नागरिक समाजसमेत रहेर प्रतिष्ठानको हितमा सरोकार समितिमार्फत सहयोग गरिरहेको बेला उस्तै प्रकृतिको समिति बनाएर संघ सदस्यमा रहन नैतिकताका हिसाबले नरहने विज्ञप्तिमा स्पष्ट गरिएको छ ।
प्रतिष्ठानले केही दिनअघि मात्रै १३ सदस्यीय सल्लाहकार समिति घोषणा गरेको थियो । प्रतिष्ठानको ऐनमा भने त्यस्तो कुनै संरचना रहने वैधानिक ब्यवस्था छैन ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
