अविरल बर्षातका कारण घर भत्केर मृत्यु भएका बालिकाको परिवारलाई जिल्ला प्रशासन दाङ र घोराही नगरपालिकाले राहत प्रदान गरेका छन् ।
दाङको घोराही उपमहानगरपालिका वडा नम्बर १७ क्वाडीस्थित घर भत्कदा हिजो तीन महिनाकी बालिका बिन्दु चौधरीको निधन भएको थियो । घटनामा आमा र दिदी घाइते भएका थिए ।
मृतकका बुवा आशाराम चौधरीलाई घोराही उपमहानगरका प्रमुख नरुलाल चौधरीले जिल्ला बिपत व्यबस्थापन समितिको तर्फबाट दुइ लाख र उपमहानगरको तर्फबाट किरिया खर्च २५ हजार गरि दुई लाख २५ हजार प्रदान गर्नुभएको थियो । राहत दिन प्रमुख चौधरी, प्रजिअ रामबहादुर लिम्बु कुरुम्बाङ, प्रहरी प्रमुख सुरेशप्रसाद काफ्लेलगायत पीडितको घरमै पुग्नुभएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
