रुकुमपश्चिम मुसीकोट नगरपालिका वडा नम्बर १० ले फलफूल र घाँसका गरी साढे सत्र हजार विरुवा निःशुल्क वितरण गरेको छ ।
फलफूल खेती विस्तार गर्ने उद्देश्यका साथ १७ हजार छ सय ५० विरुवा वितरण गरिएको वडा अध्यक्ष गोप्यश्व केसीले जानकारी दिनुभयो ।
वडाले छ हजार सात सय कागती, दुई हजार टिमुर, साढे चार सय अमिलो र सात हजार राइखन्याको विरुवाको वितरण गरेको वडा सदस्य धनबहादुर खड्काले जानकारी दिनुभयो ।
त्यस्तै बहुक्षेत्रीय पोषण कार्यक्रमले सुनौलो हजार दिनभित्रका महिलालाई लक्षित गरेर एक हजार कागती र पाँच सय सुन्तलाको विरुवा वितरण गरेको पनि उहाँले जानकारी दिनुभयो । वडाभित्रका तीन सय ३३ घरधूरीलाई विरुवा वितरण गरिएको हो ।
वडामा यसअघि पनि हरेक बर्ष विभिन्न फलफूल र घाँसका विरुवा वितरण गर्ने गरिएको वडा सदस्य खड्काले जानकारी दिनुभयो । स्थानीय तहमा जनप्रतिनिधि निर्वाचित भएपछि यो वडाको कृषिका लागि योजनाबद्ध पहल भइरहेको छ । वडा लसुनको पकेट क्षेत्रको रुपमा विकास हुँदै गएको पनि खड्काले जानकारी दिनुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
