दाङमा लकडाउन असार १५ गतेसम्म लम्ब्याइएको छ । जिल्ला कोरोना संकट ब्यवस्थापन केन्द्रको बैठकले लकडाउन लम्ब्याएको हो ।
लकडाउन बढाए पनि बजार खुल्ने समय विस्तार गरिएको छ ।
अहिले विहान १० बजेसम्म खुला हुने बजार अब दिउँसो २ बजेसम्म खुला रहने छन् ।
त्यस्तै सरकारी कार्यालय र बैंकहरु पनि दिउँसो ३ बजेसम्म खुला रहनेछन् । लकडाउनका कारण बन्द रहेका विद्यालय, सार्वजनिक यातायातलगायतक अन्य क्षेत्र भने पूर्णरुपमा बन्द नै रहने छन् ।
दाङमा अहिले कोरोनाका सकृय बिरामी २५६ जना छन् । दोस्रो चरणको संक्रमाण फैलिएपछि बैशाखयता सात हजार सात सय बीस जना संक्रमित भएकोमा सात हजार दुई सय ६६ जना निको भएका छन् भने एक सय ९८ जनाको मृत्यु भएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
