संसद बिघटन र उपप्रधानमन्त्री राजेन्द्र महतोको अभिव्यक्तिविरुद्ध घोराहीमा पुत्ला दहन गरिएको छ ।
नेकपा माओवादी केन्द्रनिकट अखिल क्रान्तिकारी दाङले पुत्ला दहन गरेको हो । सो क्रममा प्रहरीले हस्तक्षेप गरी क्रान्तिकारीका जिल्ला संयोजक जंग रोकासहित नौ जनालाई पक्राउ गरेको छ ।
पक्राउ पर्नेहरुमा जिल्ला सचिवालय सदस्य डिभाइड शर्मा, प्रतीक अधिकारी, भुवन पुन मगर, निखिल राना , भुवन राना, जयप्रकाश कठायत र बिर्ख ओली रहनुभएको छ ।
संगठनका केन्द्रीय सदस्य सन्तोष पोख्रेलले गिरफ्तार नेता कार्यकर्तालाई रिहा नगरे कडा संघर्षका कार्यक्रम सार्वजनिक गर्ने चेतावनी दिनुभएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।