गाँजा खेतीलाई वैधानिकता दिएर यसबाट आर्थिक उपार्जन गर्नुपर्छ भन्ने धारणाका साथ देशब्यापी अभियान शुरु भएको छ ।
जसअनुसार दुई दिनको बीचमा देशभरिका सबै जिल्लामा गाँजा सचेतना अभियान गठन गरिएको छ ।
पूर्वसचिव भीम उपाध्यायको अगुवाईमा देशब्यापी अभियान शुरु भएको हो । यसबाट गाँजालाई वैधानिक खेतीका लागि दबाब सिर्जना गरिने उपाध्यायले जानकारी दिनुभयो । चार दशकअघि गाँजामा आधारित अर्थतन्त्र निकै सबल रहेको भन्दै उहाँले यसलाई पुनर्वहाली गरेरै छाड्ने बताउनुभयो ।
गाँजा एउटा औषधिय गुण भएको बनस्पति हो । बिश्व बजारमा बहुमुल्य रहेको गाँजाको बैज्ञानिक ब्यबस्थापन मार्फत देश लाई समुन्नत बनाउन सकिने उहाँको विश्वास छ ।
बिश्वका शक्तिशाली मुलुकले यसको कारोबार खुल्ला गरे पनि नेपालमा भने यसको खेती अबैध मानिन्छ । विश्व बजारमा यसको तेल , दाना र पात समेत विभिन्न प्रयोजनका लागि महंगो मुल्य मा किनबेच हुने गरेको छ । उपाध्यायले शुरु गरेको यो अभियानले गाँजा बेचेरै देश समृद्ध हुने र नेपालीको जिबनस्तर उकासिने भन्दै गाँजालाई सरकारले बैधानिक बनाउन चर्को दवाव दिने देखिएको छ ।
खेर गइरहेको बाँझो जग्गामा सजिलै यसको खेती हुने र बजार मुल्य पनि उच्च रहेकोले यसको लुकिछिपी कारोबार भैरहे पनि सरकारले बैध घोषणा गरेको छैन । गत साल मात्रै पाकिस्तानले गाँजा खेतीलाई देशको प्रमुख आयस्रोत बनाउने लक्ष्य लिएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
