दिनेश शर्मा
जनता अस्पतालभित्र अक्सिजन खोज्छ,
मेरो सरकार जतिबेला नि कमिसन खोज्छ
जनता बिहान बेलुकाको छाक कसरी टार्ने भनेर सोच्छ,
मेरो सरकार आफ्नो कुर्सी जोगाउने मान्छे खोज्छ।
जनता,
आफुलाई धिक्कार छ खै कस्तोलाई भोट हालेछु भनेर,
नेता बस्छन आफू कहिले मन्त्री बन्छु भन्ने दिन गनेर।
ए सरकार, तिमिलाई अलिकति पनि लाज लागेन है
जनता आकुलव्याकुल छन
तिमी कसैलाई नियुक्ति दिन र शपथ खुवाउन ब्यस्त छौ,
जनतालाई घरभित्रै थुनेर भएपनी
तिमी भागबन्डा मिलाउन अभ्यस्त छौ।
धन्य छ सरकार
जसोतसो हाम्रो करले देश चलेकै छ
तिमी चलेकै छौ,
ए सरकार तिमी मोजमस्ती गर्दै जाउ,
तिम्रो लागि त हामी जलेकै छौं।
यो महामारीले बचाएछ भने फेरि भेटौला नि सरकार,
बिकास र समृद्धिको कुरा गर्थेउ नि पहिले
त्यो पनि हिसाब गरौंला नि सरकार
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
