सौगात आचार्य

तँ चाहिएन सरकार
मेरो भोट फिर्ता ले

म स्वास फेर्न सकेको छैन
तँ मन्त्री फेर्दैछ्स

म खोप कुर्दैछु
तँ कमिसन हेर्दैछ्स

म स्वास्थ्य संकटकालको परिकल्पनामा छु
तँ राजनैतिक संकटकालको तायरीमा छ्स

म ट्रयाक्टर नपाएर चौबाटोमै मर्दैछु
तँ चुनाव लडन हेलिकप्टर चढदैछस
म मेरा बिरामी बा आमा भेट्न पाएको छैन
तँ बिदेशी एजेण्ट भेट्दैछस्

म मेरै देशमा केही गर्न र यही मर्न चाहन्छु
तँ पराइक लागि जनता मार्ने तानाबाना बुन्दैछस्

अहँ मलाइ तँ चाहिएन सरकार
बिल्कुलै चाहिएन तँ

मेरो भोट फिर्ता ले
तुरुन्त फिर्ता ले

सिस्ने अनलाइन

सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।