दाङमा एक साहित्यकारको विवाहमा शुभेच्छुकहरुले पुस्तक उपहार दिएका छन् ।
कवि घनश्याम अस्तित्व र मञ्ज पार्धेको शुभ विवाहको अवसरमा उदाहरण साहित्यिक समूहका अभियन्ताहरुले दश हजार बढीको पुस्तक उपहार दिएका हुन् ।
उदारहण समूहको तर्फबाट नवीन श्रेष्ठ, नवीन अभिलाषी, नवीन शर्मा, संगीत मगर, आशा ओली, तीर्थराज चौधरी, बिष्णु सन्यासी, विकास रोका, शर्मिला रोका, सविना भुसाललगायतले पुस्तक उपहार दिनुभएको हो । उहाँहरुले दुलाहादुलहीलाई सामूहिकरुपमा पुस्तक उपहार दिनुभएको हो ।
विवाह एक उच्च सामाजिक संस्कार भएकाले यसलाई रचनात्मक बनाउँदै विचार र व्यवहारमा एकरुपता ल्याउन सहयोग होस् भनेर यसो गरिएको उदारहण समूहका अभियन्ता नवीन श्रेष्ठले जानकारी दिनुभयो ।
सबै बिधाका पुस्तक उपहारमा समेटिएको जानकारी दिंदै उहाँले यसबाट पठन संस्कृतिमा टेवा पुगोस् भन्ने आफूहरुको उद्देश्य रहेको बताउनुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
