ब्याजी लिएका ॠणहरु, बिर्सिएको छैन आमा
बचन दिएका लविनहरु, बिर्सिएको छैन आमा
गाग्री सङ्गै मलाई बोकि, पधेरिमा जानुहुन्थ्यो
दु:खका ती दिनहरु, बिर्सिएको छैन आमा ।
दुई दिनको जीवन हो भन्ने, थाहा हुदाहुदै
मिथ्या आफ्नै मन हो भन्ने, थाहा हुदाहुदै
खैनी चुरोट रक्सी सेवन, किन गर्छ मान्छे
स्वास्थ्य नै धन हो भन्ने, थाहा हुदाहुदै ।
फुल बनेका झुठहरुको, फगत बिर्सिन्न म
खुशी लुट्दा तड्पिएको, जगत बिर्सिन्न म
गणतन्त्रमा लुटतन्त्रको, कछालो बसेपनी
मेरा दुःखले आर्जेको त्यो, नगद बिर्सिन्न म।
हिमाल ओली
त्रिवेणी खारा रुकुमपश्चिम
Facebook Comments
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
