चिरन्जीवी
खबर सुनें छिमेकीको घरमा छोरी भई
यसको बाबजुद पनि कि
डाक्टरले ठीक तेस्रो महिनामा
दिइसकेका थिए छोरी भएको ठीक–ठीक जानकारी
हैरानीले भरिएका छन् बाबु
उनी त सूचन पाउनेबित्तिकै
लिएर आएका थिए जरुरी औषधि र जडी–बुटीहरु
काकी पनि कसम खाएर भन्छिन्
समय छँदै उनले
गरिसकेकी थिइन हरसम्भव उपाय
हजुरआमा र बाजे त साँक्षी छन्
कि बच्चीले जन्म लिनेबित्तिकै
धाई आमाले चटाइदिएकी थिइन उसलाई ढिकोभरि नून
आश्चर्य !
तमाम सतर्कताको बाबजुद
छिमेकीको घरमा छोरी भई ।
उता अध्यारो कोठामा बन्द भएकी आमा
आश्वास्तीले थप्काइरहेकी छ
आफ्नो अस्त्विको बित्ताभर जिवित प्रमाणलाई
जो यति भएर पनि मरिन
धरतीमा आएरै छोडी
उसले पाउनेछ उमेर पनि
र बनाउनेछ पहिचान ।
जिन्दगीको च्यादर
जिन्दगी जिएँ मैले
यति सावधान भएर
जस्तो कि नींदमा पनि सजग
बढ्दो उमेरकी केटी
कि उसको गोडाहरुबाट
च्यादर नउघ्रियोस् ।
अन्तिम साससम्म
ग्राहकलाई कपडा दिनुभन्दा
ठीक पहिलेसम्म
कुनै सिलाई कुनै बटन
जोडिरहन्छ दर्जी ।
परीक्षकले पुस्तिका खोस्नुभन्दा
पहिलेसम्म
सही, गलत केहि न केहि
लेखिरहन्छ परीक्षार्थी ।
अन्तिम सास जाँदासम्म
चुक–अचूक निशान लगाएर
लडिरहन्छ सिपाही
कसैले गुमाउँदैन हतियार
कसैले गुमाउँदैन आसन
अन्तिम सास सम्म ।
अनुवादः प्रमोद धिताल
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।