राप्ती इञ्जिनियरिङ कलेजमा वि.ई. सिभिल आठौँ सेमेष्टरमा अध्ययनरत विद्यार्थीहरुको लागि ३ दिने सम्पत्ति मूल्याङकन तालिम शुरु भएको छ ।
प्रमुख अतिथि घोराही उप–महानगरपालिका सिनियर इञ्जिनियर ई. युवराज पौडेलले आफूमा भएको सीपको प्रयोग गरेर मात्र रोजगारी सृजना गर्न सकिने भएकोले विद्यार्थी आफै अग्रसर भएर मेहनतका साथ लाग्नुपर्ने र प्राविधिक शिक्षा आफैमा संवेदनशील भएकोले ध्यानपूर्वक अध्ययन गरी कार्य सम्पादन गर्नुपर्नेमा जोड दिनुभयो ।
कलेजका एकेडेमिक कोर्डिनेटर एवं वि ई. सिभिल विभागीय यप्रमुख ई. बाबुराम जोशीले सिकाइ प्रक्रिया निरन्तर चलिरहने हुनाले इच्छुकताका साथ ध्यानपूर्वक सिकाइले मात्र ज्ञान आर्जन गर्न सकिने बताउनुभयो ।
राप्ती इञ्जिनियरिङ कलेजका प्रशासकिय अधिकृत धनेश्वर चौधरीको स्वागत मन्तव्यबाट सुरु भएको कार्यक्रमको अध्यक्षता कलेज व्यवस्थापन समिति अध्यक्ष एवं् प्रबन्ध निर्देशक भीमसेन गिरीले गर्नुभएको थियो ।
अध्यक्ष गिरीले यो तालिमबाट विद्यार्थी स्वरोजगार बन्ने र आर्थिक लाभ लिन सहयोग पुग्ने बताउनुभयो ।
कार्यक्रमको सहजीकरण कलेजमा डाईरेक्टर मधुसुदन बैद्यले गर्नुभएको थियो ।
सम्पत्ति मूल्याङकन तालिमको प्रशिक्षकमा दाङ इञ्जिनियरिङ कन्सल्टेन्सीका इञ्जिनियर विशाल श्रेष्ठ र राप्ती इञ्जिनियरिङ कन्सल्टेन्सीका इञ्जिनियर कविराज चौधरी रहनु भएको छ । तालिममा ई. सुमन डांगी, ई. सुनिल थापा क्षेत्रीलगायत कर्मचारीहरुको उपस्थिति रहेको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
