नेपाल कम्युनिष्ट पार्टी (नेकपा)की केन्द्रीय सदस्य एवं प्रतिनिधिसभा सदस्य रामकुमारी झाँक्रीको पक्राउको बिरोधमा दाङमा विद्यार्थी र युवाहरुले प्रदर्शन गरेका छन् ।
अनेरास्ववियू र राष्ट्रिय युवा संघको आयोजनमा घोराहीमा प्रदर्शन गरिएको हो ।
सार्वजनिक संस्थाको आलोचना गरकै आधारमा पक्राउ गर्नु ओली सरकारको निरंकुशताको पराकाष्ठा भन्दै प्रदर्शनकारीहरुले सरकारबिरुद्ध चर्का नारा लगाएका थिए ।
सहिद गेटबाट शुरु भएको कार्यक्रम तुलसीपुरचोकमा पुगेर कोणसभामा परिणत भएको थियो । कोणसभालाई अनेरास्ववियूका केन्द्रीय सदस्य सन्तोष पोख्रेल, जिल्ला संयोजक जंग रोका र राष्ट्रिय युवा संघका कार्यालय सदस्य अनिलराज श्रीपालीले सम्बोधन गर्नुभएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
