घोराही उपमहानगरपालिकाले आयोजना गरेको मेयर कप फूटबलको उपाधि लगातार दोस्रोपटक वडा नम्बर १८ ले जितेको छ ।
अघिल्लो बर्ष पनि सो कप यही वडाले जितेको थियो । घोराही १८ का जर्सी नम्बर १४ नम्बर जर्सीका खेलाडीले शंकर भण्डारीको गोलसँगै घोराही १८ ले कप जितेको हो ।
घोराही १३ विरुद्ध भएको खेलमा घोराही १८ ले १–० गोलले पराजित गरेको हो । उपमहानगरपालिकाको स्थपना दिवसको अवसरमा आयोजना गरिएको खेलअन्तर्गत यसअघि सेमीफाइनलमा भएको विवादका कारण फाइनल ढिला भएको थियो ।
योसँगै घोराही १८ ले एक लाख पुरस्कार र कप जितेको छ भने उपबिजेता घोराही १३ ले ५० हजार पुरस्कार प्राप्त गरेको छ ।
घोराही उपमहानगरपालिकाका प्रमुख नरुलाल चौधरीको प्रमुख आतिथ्यमा भएको समापन कार्यक्रममा कप र पुरस्कार बिजेताहरुलाई प्रदान गरिएको छ । मेयर कप फूटबल घोराही १८ स्थित नवलपुर मैदानमा भएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
