नेपाल कम्युनिष्ट पार्टी (नेकपा, प्रचण्ड–नेपाल पक्ष) दाङले रिक्त रहेका स्थानीय तहका पदाधिकारी मनोनित गरेको छ । पार्टी विभाजनसँगै ओली पक्षमा लागेर रिक्त रहेका पदाधिकारीमा मनोनित गरिएको हो ।
जिल्ला कार्यालयको बैठकले गरेको निर्णयअनुसार घोराही उपमहानगर कमिटी अध्यक्षमा गेहेन्द्र बस्नेतलाई मनोति गरिएको हो । पार्टी उद्योग विभाग प्रमुख रहेका बस्नेतलाई अध्यष मनोनित गरिएको हो ।
त्यस्तै लमही नगर कमिटी अध्यक्षमा शोभा घिमिरे, बबई गाउँ पालिका कमिटी अध्यक्षमा डिलबहादुर पुन, तुलसीपुर उपमहानगर कमिटी सचिबमा डिल्ली डांगी, दंगिसरण गाउँ पालिका कमिटी अध्यक्षमा ज्योति चौधरी, राप्ती गाउँ पालिका कमिटी सचिबमा गिरिराज पौडेल र बंगलाचुली गाउँ पालिका कमिटी सचिबमा दामोदर खड्कालाई मनोनित गरिएको कार्यालय सदस्य सुरामणि बेल्बासेले जानकारी दिनुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
