नेकपा कम्युनिष्ट पार्टी (नेकपा, प्रचण्ड–नेपाल)निकट अनेरास्ववियू दाङको समिति विस्तार गरिएको छ ।
पार्टीमा आएको विभाजनसँगै सहसंयोजकसहित केही जिल्ला सदस्य ओली समूहमा लागेपछि केही सहसंयोजक र केही सदस्य थप गरी जिल्ला विस्तार गरिएको सो संगठनले जनाएको छ ।
जसको संयोजकमा यसअघिकै संयोजक जंग रोकाले निरन्तरता पाउनुभएको छ भने सहसंयोजकको जिम्मा रविन्द्र डाँगीले पाउनुभएको छ ।
जिल्ला समिति यसअघिकै संख्यामा नबढ्ने गरी ६१ सदस्यीय बनाइएको छ । जसमा कार्यालय सदस्यहरु कल्याण अधिकारी, प्रकाश रावत, गिरबहादुर महरा, रविन ओली र निश्चल केसी रहनुभएको छ ।
संयोजक जंग रोकाको अध्यक्षता एवं नेकपा जिल्ला अध्यक्ष टीकाराम खड्काको प्रमुख तथा सचिव तुलसीराम पुन ‘सुवास’को बिशिष्ठ आतिथ्यमा भएको बैठकले जिल्ला समिति विस्तार गरेको सो संगठनले जनाएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
