कर्णालीका मुख्यमन्त्री महेन्द्रबहादुर शाही, सभामुख राजबहादुर शाही, मन्त्री प्रकाश ज्वालालगायतको टोली पूर्वसभामुख एवं नेकपाका नेता कृष्णबहादुर महराको परिवारलाई समवेदना दिन बुधवार दाङ आएको हो ।
महराकी श्रीमती सीता महराको निधन भएकोमा विभिन्न क्षेत्रका व्यक्तिहरुले समवेदना दिइरहेका छन् । सो क्रममा कर्णालीका मुख्यमन्त्रीसहितको टोली घोराही १७ गैरागाउँस्थित महरा निवासमा पुगेर समवेदना दिएको हो । समवेदना दिन बुधवार नै नेकपाका नेता बामदेव क्षेत्रीलगायत साविक लुम्बिनी क्षेत्रका नेता कार्यकर्ता समूहगतरुपमा नै दाङ आएका थिए ।
त्यस्तै बर्दियाबाट पनि नेकपा नेता कार्यकर्ता तथा जनप्रतिनिधिहरु आएर समेवदना दिएका थिए ।
बुधवारसम्म तीन हजार बढीले घरमै पुगेर समवेदना दिइसकेका छन् झण्डै पाँच सय संघसंस्था र व्यक्तिले प्रांगनमा ब्यानर राखेर समवेदना व्यक्त गरेका छन् ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
