अनेरास्ववियु रुकुमपूर्वका जिल्ला संयोजक रेवन खडकाले खेल मैदान निर्माणको लागि आर्थिक सहयोग गर्नुभएको छ । उहाँले आफ्नो जन्मदिनको अवसर पारी आज एघार हजार एक सय एघार रुपैयाँ खेल मैदान निर्माणको लागि सहयोग गर्नुभएको हो ।
विद्यार्थी नेता खड्काले जन्मदिनको अवसरमा गरिने अनावश्यक खर्चलाई जोगाएर निर्मानाधिन पोखरा खेलमैदानको लागि आर्थिक रकम सहयोग गरेको बताउनुभएको छ । पोखरा खेल मैदान तथा जग्गा खरिद समितिका सचिव समेत रहनुभएका विद्यार्थी नेता खड्काले खेल मैदान निर्माणको लागि विभिन्न ठाउँबाट सहयोग रकम पनि जुटाइरहनुभएको छ ।
उहाँले खेल मैदान निर्माणको लागि आ आफ्नो ठाउण्ँबाट सहयोग गर्न सबैमा अपिलसमेत गर्नुभएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
