नेपाल कम्युनिष्ट पार्टी (नेकपा) निकट विभिन्न जनवर्गिय संगठन अखिल नेपाल किसान महासंघ जिल्ला समन्वय समिति रुकुम पश्चिमको एकता पछिको पहिलो बैठक र सपथ ग्रहण कार्यक्रम सम्पन्न भएको छ ।
मुसीकोट नगरपालिका–५ शेरिगाउँमा अवस्थित सहिद प्रतिष्ठानको सभाहलमा महासंघका पदाधिकारी र सदस्यहरुले सपथ ग्रहण गरेका हुन् । जिल्ला संयोजक, सह–संयोजक र सदस्यहरुलाई महासंघका केन्द्रीय सदस्य कृष्ण बिसीले सपथ ग्रहण गराउनुभएको हो ।
५० सदस्यीय महासंघको जिल्ला समन्वय समितिको संयोजकमा रविन्द्र बिष्ट र सह–संयोजकमा जनक बटाला रहनुभएको छ । त्यस्तै इन्चार्जमा शेरवहादुर गिरी रहनुभएको छ । तत्कालिन अखिल नेपाल किसान संघ क्रान्तिकारी र अखिल नेपाल किसान महासंघ विचको एकता पछि आज जिल्ला कमिटीले पूर्णता पाएको हो ।
सपथ ग्रहण तथा पहिलो बैठकमा नेकपाका केन्द्रीय सदस्य तथा जिल्ला इन्चार्ज राजकुमार शर्मा, सह–इन्चार्जद्धय शेरवहादुर केसी र बसन्त शर्मा, प्रदेश कमिटी सदस्य महेन्द्र केसी पारषमणि, जिल्ला अध्यक्ष गोपाल शर्मा, सचिव बिमलकुमार पुन लगायतको आतिथ्यता रहेको थियो ।
नेकपाका जनवर्गिय संगठनहरुले जिल्लामा पूर्णता पाईरहेका छन् । केन्द्रमा सहमति जुटेका मध्य अव जिल्लामा आदीवासी जनजाति मगर संघको मात्र प्रथम बैठक तथा सपथ ग्रहण कार्यक्रम बाँकी छ । त्यो पनि भोली टुंगिने बताईएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
