रोल्पाको होलेरीवाट संचालनमा रहेको सामुदायीक रेडियो रेडियो सुनछहरी एफ.एम १०१.५ मे.ह आजदेखि १० औँ वर्षमा प्रवेश गरेको छ ।
२०६८ साल असोज ५ गतेदेखी आफनो परीक्षण प्रषारण सुरु गरेको उत्त रेडियो रोल्पा जिल्लाकै तेश्रो तथा सदरमुकाम वाहीरको पहिलो रेडियो हो । स्थानीय सरोकारका विषयलाई केन्द्रीत गर्दै केन्द्रसम्मका गतिविधिलाई हरेक दिन कार्यक्रम तथा समाचारका माध्यमवाट पस्कदै छोटोमयमै श्रोताको मन जित्न सफल यस रेडियोले सामाजीक रुपमा रहेका कुरीती कुसस्कार र भैरहेका व्यतिथी भ्रष्टाचारका वारेमा आफना कार्यक्रम तथा समाचारहरु केन्द्रीत गर्दैै आइरहेको छ ।
रेडियोले प्रत्यक वर्ष आफनो वार्षीक उत्सवलाई साताव्यापी रुपमा विविध कर्यक्रम गर्दै भव्य बनाउदै आइरहेको थियो तर यस वर्षभने कोरोना महामारी र रेडियो भएको स्थान होलेरी नै यतिवेला सिल गरीएको अवस्थाका कारण आफना कुनैपनि औपचारीक कार्यक्रमको आयोजना गर्न नसकेको रेडियोका स्टेशनम्यानेजर सन्तोष शर्माले जानकारी दिनुभयो ।
तर रेडियोले हरेक वर्षे गर्दै आइरहेकोे दुखि तथा असाहय परीवारलाई गर्ने केही सहयोग अन्तरगत यो वर्षपनि रोल्पा रुन्टीगढी गा.पा वाडा नं १ कासापानीमा आफनो असक्त छोरालाई पाल्दै बस्नुभएकी ७० बर्षिया बृद्ध आमा पोती कुमारी वि.क लाई नगद रु ५ हजार तथा खाध सामाग्री सहयोग गर्ने निर्णय भएको रेडियोका अध्यक्ष गोपाल प्रसाद श्रेष्ठले वताउनुभयो । साथै विभीन्न निकायका व्यक्ति तथा श्रोताहरुसगँ टेलीफोन मार्फत शुभकामना साट्दै यस वर्षको वार्षीक उत्सव मनाइरहेको रेडियोले जनाएको छ ।
त्यस्तै अध्यक्ष श्रेष्ठले रेडियोको ९ वर्षे यो स्वर्नीम यात्रालाई भव्य र सफल वनाउन विभीन्न क्षेत्रवाट सहयोग गर्ने समस्त श्रोता,विज्ञापनदाता,सरकारी तथा गैरसरकारी निकाय,संचारकर्मी,राजनैतिकदल लगायत सवैमा धन्यवाद व्यक्त गर्नुभएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
