संचारकर्मी एवं चलचित्र निर्देशक केएल पीडितले लकडाउनका कारण संकटमा परेका दाङका संचारकर्मी, प्रेस मजदुर एवं कलाकारहरुलाई राहत वितरण अभियान शुरु गर्ने भएका छन् ।
नेपाल पत्रकार महासंघ दाङ शाखाका पूर्व अध्यक्ष समेत रहेका पीडितले संकटमा रहेकाहरुको विवरण संकलन गरिरहेको बताए ।
“अहिले आर्थिक संकट झेलिरहेका संचारकर्मी, प्रेस मजदुर एवं कलाकारहरुको अवस्था बुझ्दैछु ! सबै विवरण तयार गरेर राहत वितरण अभियान शुरु गर्नेछु ।” संचारकर्मी एवं चलचित्र निर्देशक पीडितले बताए ।
लामो लकडाउनका कारण संचारकर्मी, प्रेस मजदूर एवं कलाकारहरुको अवस्था निकै गंभीर भएको बताउँदै अभियन्ता पीडितले यस्तो अवस्थामा राहतका लागि सबै जुट्नु पर्ने बताए ।
राहत वितरण अभियानमा बिभिन्न संघसंस्था र व्यक्तिहरुले सहयोग गर्ने प्रतिबद्धता जनाएको अभियन्ता पीडितले बताए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
