रुकुमपूर्वमा खोलामा बगेर तीन वर्षीय बालकको मृत्यु भएको छ । सिस्ने गाउँपालिका–७ नाथिगाडका तीन वर्षीय अंकित परियारलाई खोलाले बगाउँदा मृत्यु भएको हो ।
आइतबार दिउँसो ११ बजे तिर दाई दिदीहरू सोही वडाको नाथिगाड खोलामा पौडी खेलिरहेको अवस्थामा बालक पनि खोलामा पसेको र खोलाले बगाएको प्रहरीले जनाएको छ ।
आइतबार दिउँसो ११ बजे तिर नाथिगाड खोलाले बगाएर करिब पाँच मिटर तल सानीभेरी नदीसँगको दोबानमा बालकको शव दिउँसो २ बजे फेला पारिएको जिल्ला प्रहरी कार्यालयका प्रवक्ता एवं प्रहरी निरीक्षक दिनेश गुरुङले जानकारी दिनुभयो । शवको पोष्टमार्टमको लागि रुकुमपूर्वको जिल्ला अस्पताल रुकुमकोटमा गरिएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
