रुकुम पश्चिमको बाँफिकोट वडा नं. ९ का पहिरो पडितलाई बिदेशमा रहेका युवाहरुले पठाएको सहयोग रकम हस्तान्तरण गरिएको छ । गाउँपालिकाका बिदेशमा रहेका युवाहरुले संकलन गरि पठाएको सहयोग रकम आज हस्तान्तरण गरिएको हो । ३ जना पहिरो पिडितलाई सहयोग रकम हस्तान्तरण गरिएको छ ।
अमेरीका तथा अन्य देशमा रहेका युवाहरुले पठाएको ५ लाख २५ हजार सहयोग रकम आज हस्तान्तरण गरिएको तुल देवकोटाले जानकारी दिनुभयो । उहाँका अनुसार पहिरोको कारण आमा र भाई गुमाएका हस्त सुनारलाई ३ लाख ५० हजार सहयोग रकम हस्तान्तरण गरिएको छ । पहिरोेले हस्त सुनारको घर समेत बगाएको थियो ।
त्यस्तै पहिरोको कारण एउटा छोरा गुमाएका हस्त कामीलाई एक लाख २५ हजार र श्रीमान गुमाएकी तारा विकलाई ५० हजार आर्थिक सहयोग हस्तान्तरण गरिएको हो । साउन १३ गते वडामा पहिरो जादा २ जनाको घटना स्थलमा र एक जनाको उपचारको क्रममा मृत्यु भएको थियो भने पहिरोले हस्त सुनारको घर समेत पहिरोले वगाएको थियो ।
गाउँपालिकाका अमेरीमा रहेका धेरै युवाहरुले पिडितका लागि सहयोग रकम संकलन गरि पठाएका हुन् । पिडितहरुको लागि अधिकासं रकम अमेरीकाबाट आएको छ । पहिरो पिडित परिवारलाई गाउँपालिका अध्यक्ष धर्मबहादुर केसीले सहयोग रकम हस्तान्तरण गर्नु भएको हो ।।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
