रुकुम पूर्वको सिस्ने गाउँपालिका वडा नम्बर २ मा सलह किराले क्षती गर्न सुरु गरेको छ । वडाको विभिन्न ठाउमा देखा परेको सलहले आइतबारदेखि अन्नबालीमा क्षती गर्न सुरु गरेको छ ।
वडाको अधिकांस ठाउमा सलह किराले क्षती प¥याउन थालेपछि स्थानिय चिन्तित बनेका छन । आइतबार वडाको बयाले, ठस्के र मुसिकोलगाएतका गाउँमा सलह किराले मकै, तरकारीबाली, फलफुल खेतीमा क्षती पुर्याएको वडा अध्यक्ष जिवन केसीले जानकारी दिनुभयो ।
आइतबार वडाको केही ठाउँमा क्षती गरेको सलह किराले आज (सोमबार) धेरै ठाउँमा क्षती पुर्याएको उहाँको भनाई छ । वडा अध्यक्ष केसीका अनुसार किदा, दतकुना, खरिबोट र छिपखोलामा आज सलह किराले ब्यापक रुपमा क्षती पुर्याएको छ ।
सलह नियन्त्रण तथा क्षती कम गर्नकोे लागि स्थानियहरुले आगो बाल्नुको साथै थाल ठटाईरहेका छन भने कतिपय ठाउमा दमाह बजाईरहेका छन । यति गर्दा पनि सलह किरा नियन्त्रन गर्न नसकिएको वडा अध्यक्ष केसीको भनाई छ ।
स्थानीय स्तरमा अपनाइएको उपायले सलह किरा नियन्त्रणमा नआएपछि यसलाई नियन्त्रणमा लिन विषादी छर्कनुबाहेक अन्य विकल्प नभएको उहाँले बताउनुभएको छ । सलह नियन्त्रणको लागि विषादी प्रयोग गरेमा गाउँघरमा माहुरी लगाएत अनयलाई असर गर्ने भएकाले समस्या भएको वडा अध्यक्ष केसीले बताउनुभएको छ ।
यस्तै भूमे गाउँपालिकाको वडा नम्बर ८ कुचिबाङमा पनि सलह कीराले अन्नबालीमा क्षती पुर्याएको छ । ८ नम्बर वडाको पाछाबाङ, लिगा लगाएतका क्षेत्रमा मकै, सुन्तला, टीम्मुर खेतीमा क्षती पुर्याएको शिशिर रोकाले बताउनुभएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
