प्यूठानमा टिप्पर दुर्घटना हुँदा दुईजनाको मृत्यु भएको छ ।
जिल्लाको सरुमारानी गाउँपालिका–६ मोतिपुरमा शनिवार विहान साढे ९ वजेको समयमा टिप्पर दुर्घटना हुँदा दुई जनाको मृत्यु भएको जिल्ला प्रहरी कार्यालय प्यूठानका प्रहरी निरीक्षक विष्णु पौडेलले जानकारी दिनुभयो ।
दुर्घटना परी मृत्यु हुनेमा नौबहिनी गाउँपालिका–६ का चालक ३० वर्षीय रोसन थापा र सह–चालक सोही ठाउँका ३५ वर्षीय झग बहादुर पुन रहेका छन् ।
ना ७ ख ८९३८ नम्वरको टिप्पर नौबहिनी गाउँपालिका–८ स्थित चुनढुङ्गा खानी लुप्लुङबाट चुनढुङ्गा बोकेर दाङको कालाकाटे जाँदै गरेको टिप्पर सडकबाट करिव पाँच सय मिटर तल खसेको उहाँले बताउनुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
