कोरोनालगायतका बिषयमा जानकारी दिन मेडिकल क्षेत्रका विभिन्न बिधामा अध्ययनरत विद्यार्थीहरुले शुरु गरेको क्वारेन्टाइन सचेतना अभियान जारी रहेको छ ।
साही अनुसार उनीहरुले घोराही उपमहानगरपालिका वडा नम्बर १३ कमलघारीस्थिति क्वारेन्टाइनमा कार्यक्रम गरेका छन् ।
कार्यक्रममा क्वारेन्टाइनमा बसेकाहरुलाई योग अभ्यास गराउनुका साथै सचेतनामूलक प्रशिक्षण दिइएको थियो । महिलाको महिनावारी स्वच्छता, पुरुषमा मानसिक तनाव, फोहरमैला ब्यवस्थापन, खोपको महत्व, डेंगुबाट बच्ने उपाय र कोभिड १९ सम्बन्धी भ्रम निवारण गर्ने बिषयवस्तु अभियानमा समेटिएका अभियन्ता निर्दीप केसीले जानकारी दिनुभयो ।
महिनावारी स्वच्छताबारे अस्मिता डाँगी, योगमा प्रतिभा रिजाल र कोरोनासम्बन्धी जानकारी सुरेश लहेरले दिनुभएको थियो । कार्यक्रम सहजीकरण निर्दिप केसी र रोहित रावतले गर्नुभएको थियो । सो क्रममा क्वारेन्टाइन र समुदायमा रहेका महिलालाई महिनावारी स्वच्छता सामग्री वितरण गरिएको थियो । अभियानमा पब्लिक हेल्थ, एमबीएस, नर्सिङ, अप्टोमेट्री पढिरहेका दश विद्यार्थी सहभागी छन् ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
