पोखरा र चितवनभन्दा पश्चिमको क्षेत्रमा वन विज्ञानमा स्नातक तह पढाउने क्याम्पस नभइरहेको बेला दाङमा पढाइ शुरु हुने संभावना बढेको छ ।
दाङको घोराही १० नारायणपुरस्थित सिद्धरत्ननाथ क्याम्पसमा स्नातक तहमा वन विज्ञान (फरेष्ट्री) पढाइका लागि प्रक्रिया अघि बढेको छ ।
शिक्षा, विज्ञान तथा प्रबिधि मन्त्री गिरिराजमणि पोख्रेलले असार २ गते सरकारको तर्फबाट अनुमति प्रदान गर्ने निर्णय गर्नुभएको थियो । सोही निर्णयअनुसार आवश्यक कारवाही अगाडि बढाउनका लागि मन्त्रालयले त्रिभुवन विश्वविद्यालयलाई पचात्रार गरेको छ ।
अब त्रिविले आवश्यक प्रक्रिया पूरा गरी कार्यकारीको बैठकबाट निर्णय गरेपछि पठनपाठन शुरु हुने शिक्षा, विज्ञान तथा प्रबिधिमन्त्रीका प्रमुख सल्लाहकार जीवन गौतमले जानकारी दिनुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
