दाङमा क्वारेन्टाइनमा बस्नेहरुको संख्यामा उल्लेख्य कमी आएको छ ।
भारत तथा अन्य जिल्लाबाट आएका कूल ११ हजार ६ सय ९४ क्वारेन्टाइनमा बसेकोमा झण्डै दश हजार घर फर्केका छन्, पाँच सय बढी संक्रमित भएर आइसोलेशन गएका छन् भने अब एक हजार पाँच सय ६८ जना मात्रै क्वारेन्टाइनमा रहेको जिल्ला स्वास्थ्य कार्यालय दाङका सूचना अधिकारी कमल चन्दले जानकारी दिनुभयो ।
अब क्वारेन्टाइनमा सबैभन्दा धेरै घोराही उपमहानगरपालिकामा चार सय ५६ जना छन् ।
त्यस्तै राजपुरमा ६९, राप्तीमा तीन सय २५, शान्तिनगरमा ७६, बंगलाचुलीमा ४३, तुलसीपुरमा एक सय ७३, गढवामा एक सय २६, बबइमा एक सय ६४, लमहीमा ४४ र दंगीशरणमा ९२ जना बाँकी छन् ।
दाङमा अहिलेसम्म जाँच गरेकामध्ये आठ हजार नौ सय ५७ जनाको नतिजा नेगेटिभ र ५६२ जनाको पोजेटिभ आएको छ । अहिलेसम्म कूल नौ हजार पाँच सय १९ जनाको पिसिआर जाँच गरिएको छ । तीन हजार दुइ सय ९३ जनाको आरडिटी पनि गरिएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
