मेशिन थपिएसँगै राप्ती स्वास्थ्य विज्ञान प्रतिष्ठान घोराहीमा कोरोना जाँचको दायरा बढेको छ ।
आज एकै दिन ११६२ जनाको जाँच गरिएको छ । यो जाँचमा दाङका विभिन्न पालिकाका ५८ जनामा कोरोना देखिएको छ । यो अहिलेसम्मकै धेरै हो । योसँगै अहिलेसम्म संकलित स्वाबको जाँच करीब सकिएको छ ।
अहिलेसम्म नमूना संकलन गरिएकामध्ये अब १२६ वटाको मात्रै बाँकी रहेको प्रतिष्ठानका शाखा अधिकृत रोशन आचार्यले जानकारी दिनुभयो ।
अहिलेसम्म प्रतिष्ठानमा दाङसहित विभिन्न जिल्लाका १४ हजार ४५७ जनाको स्वाब संकलन गरिएकोमा १५ असारसम्म १४ हजार ३१३ जनाको जाँच गरिएको छ ।
योसँगै आज प्रदेश पाँचका सबै प्रयोगशालाबाट एक हजार आठ सय ८५ जनाको जाँच गरिएको छ । प्रदेशभरि अब क्वारेन्टाइनमा झण्डै १२ हजार जति बाँकी छन् ।
प्रदेशभरि ४५ हजार जनासम्म पनि क्वारेन्टाइनमा बसेका थिए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
