नेपाल परिवार नियोजन संघ घोराहीमा कार्यरत एक स्वास्थ्यकर्मीलाई कोरोना संक्रमण पुष्टि भएपछि चार दिनका लागि सेवा बन्द गरिएको छ ।
झण्डै दुइ साता घरमा बसेर आइतवारदेखि मात्रै काममा आएकी एक स्टाफ नर्सलाई कोरोना देखिएपछि अन्य स्वास्थ्यकर्मीको पनि कोरोना जाँच गर्नुपर्ने भएकाले असार १६ देखि १९ गतेसम्म सेवा बन्द गरिएको संघका शाखा प्रबन्धक बसन्त खनालले जानकारी दिनुभयो ।
सेवाग्राहीलाई पिपिइसहित नै सेवा दिएकाले संक्रमणको संभावना नभए पनि स्टाफबीच संक्रमणको संभावना हुने भएकाले सबै स्वास्थ्यकर्मीको कोरोना जाँच गर्न थालिएको उहाँले जानकारी दिनुभयो ।
दाङमा कूल ५६२ जनामा संक्रमण देखिएको छ भने १७ जना स्वास्थ्यकर्मी मात्रै छन् । तीन चिकित्सकसहित १७ स्वास्थ्यकर्मी अहिलेसम्म संक्रमित भइसकेका छन् । सोमवार मात्रै राप्ती स्वास्थ्य विज्ञान प्रतिष्ठानका एक स्वास्थ्यकर्मीमा पनि संक्रमण देखिएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
